يامحجّرة البني مالكم ملّه. لـ دخيل الله الدجيما

يامحجّرة البني مالكم ملّه - دخيل الله الدجيما

حنتي حنت من الهجن منتله
في سموم القيض حفيت ومردوفه

فوقها قرم(ن) رديفه بناخ له
هم شريدة سربة(ن) تو مصدوفه

اوردو عدن بعيد(ن) والاادله
ويتقلب والضماء محرق(ن) جوفه

آه من عين قضى دمعها كله
كانها عن لذة النوم مشغوفه

يامحجرة البني مالكم مله
مابكم رجل فهيم وعاروفه

ماتخلون المهاوي على حله
لين يروي من الزين بكفوفه

ابو جديل(ن)فوق دمث النحر هله
اشقر يضفي على حد شرشوفه

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
التعليقات المنشورة غير متابعة من قبل الإدارة. للتواصل معنا اضغط هنا.