وينك!!!!

لـ اياد المريسي، ، بواسطة منيره العبسي، في غير مُحدد

وينك!!!! - اياد المريسي

طال الغياب ولا دريت انت وينك ؟!!
لقيت (وينك)..وانت للحين ما جيت

وين (انت عمري)؟! وأني (أجمل سنينك)؟!
وبْتحسب أيامك ليا ضمنا بيت ؟!!

نسيتني من غبت ؟!!ماني بعينك ؟!!
لا تستحي ..ادري حبيبي تناسيت

الله يرحم يا الغلا والدينك
تعبت اسافر بين يا ليت /ياليت

تدري شْمصبرني ؟!! أمل في حنينك
أقول !! يمكن !! لي تذكرت ..رديت

ما هو شوي اللّي (م)بيني وبينك !!
وماهو كثير ان شفت مجنون بك ميت

للحين رعشة لمستي في جبينك؟!
كنت ابتسم لي قلت : كنك تماديت !!

يا ما اعرقت كفّي بضمة يدينك ؟!
ابذمتك!! قد قلت لك يوم مليت ؟!

وينك ؟!! تعبت ..ولا دريت أنت وينك ؟!
لقيت (وينك(...وانت للحين ما جيت!!

© 2024 - موقع الشعر