يالله عـسـى

لـ الدقيس، ، في غير مُحدد

يالله عـسـى - الدقيس

يالله عسى ماتكره النفس خيره
يا والي الدنيا عليك التدابير

اللي فرق بين العشير وعشيره
هو له وأنا ليه ولي المقادير

وراك يا مانع تبتن بجيره
زودن على تلطيخكم بالمعايير

أنا صلبيةٍ ولا لي نحيره
وأنتم نحايركم رقاب المناعير

حنا ()ولا علينا نحيره
عاداتنا ننزل خلاف الدواوير

أنا بديره والحبيّب بديره
ورجّالكم مايمرح الليل يا أمير

مانع ليا ركب الجواد الظهيره
ماله شبيه يعلم الله سوى الزير

زير العراق اللي ربى بالجزيره
شيخٍ كبير ووافي بالتشابير

يطعن بعيني فاطر له ظهيره
غبوقة الخطار برصا مواخير

شرابة الما كان غثبر حفيرة
مناكبه تنحى الظوامي عن البير

خيال شقحٍ مايردد نشيره
وإن جن على روس النوازي دعاثير

ليا سمعت الصايح تقاود بريره
تجعل على البيت المطرف معاصير

زبن الحصان اللي قطاته كبيره
تعاورنه مصعدات المعاوير

والله لأبدل دارهم لي بديره
واتبع مزونٍ مقفياتٍ محادير

© 2024 - موقع الشعر