قصيدة بمناسبة شاعر المليون - مطر الروقي

يايوسف الا الك لابه كلهم فزعه
ولا العزاوي ليا جا وقتها جينا

فزعاتنا للرفيق أسرع من السرعه
حنا رفاقه ليامنا تعزوينا

وان عودت كل شاعر ينتخي ربعه
حنا عتيبه من المينا الى المينا

حنا اشهر الناس بالنخوه وبالسمعه
مافيه فالارض طيب الا لسامينا

مدام فينا الثلاث البيض مجتمعه
على طوال الايادي طالت ايدينا

راياتنا من قديم الوقت مرتفعه
والله خلق روسنا اعلى من iiمبانينا

مانكسب المرجله صدفه ولارمعه
الحمد لله على الطاله تربينا

سيل المكارم بدا من عندنا نبعه
حنا خوال النبي هذي iiتكفينا

الله خلقنا لنصرة دينه وشرعه
والناس تاخذ مبادي من iiمبادينا

ويومن للسيف فارقاب العذا لمعه
ياقوم ياقشر حظ اللي iiيعادينا

قم شيخ قومن نعشي راسه الضبعه
قصايد الفخر فالهيلا تكفينا

من غير قاصر باحد لكن لنا الرفعه
المجد في نجد بيمينه مقهوينا

لنا الشهامه عمامه والوفا قبعه
من وين جينا ورحنا الله يحيينا

والشعر حنا هله لو ماهو بطمعه
لكن ليا جا التحدي به تحدينا

ومن يبتلينا بشره يبشر بقمعه
النذل ماهوب لا منا ولافينا

والله ليخسى الحسود ويذرف الدمع
هوامجاد ربعي عن المليون تغنينا

وتدوم برقا وروق تعيش في جمعه
واطيب تحية لحاضرنا وماضينا

© 2024 - موقع الشعر