انا نويت اكتب من الشعر قافين - محمد السمي

انا نويت اكتب من الشعر قافين
ما قالها جساس مع سالم الزير

بيتين لا راحن ولا جن بيتين
تضرب بها الامثال بين المناعير

تمشي على كل الطرق والقوانين
وتصف فالميدان صف الطوابير

شعار لا قمنا تميل الموازين
ما همنا طول السفر والمشاوير

نصخر القيفان فالعسر واللين
ونسوقها سوق البدو للمظاهير

ونسجله عبر الصحف والدواوين
يقرونه الجمهور وتقرا المشاهير

والله واكبر يا عيون الشياطين
والعلم لو صاحت علي الجماهير

وزبدة كلامي رمس بدو ٍ محيلين
شدوا على رمس المطر والمخاضير

مديت دربيلي عليهم مقفين
ما شوف غير الوايت ودونه ا بعير

مدري وش اللي حطني بين خطين
يا ناس حنا والله انّا مداوير

لد النظر يا بدو تكفيني العين
عمسان ما ذقت قهوه والتعب غير

اللي جبرني لين غنيت بيتين
كله سبب ظبي ٍ من الزيله يذير

وعلى ما قيل شطر ٍ من ضمن قاف قافين
الله ولا بعض الطرق والمشاوير

© 2024 - موقع الشعر