بيني وبين صويجي وقفة احوال - محسن الهزاني

بيني وبين صويجي وقفة احوال
يا من يدير الصلح بينه وبيني

أعطيه ما تملك يميني من المال
واجعل مقره بين جفني وعيني

يا ليلة بتناه في شهر شوال
بتنا ولاش حال بينه وبيني

إلا بريم الريش والطوق وهلال
ونويهدات كنها الفرقديني

فالي تنبه مغزل العين لي قال
من ذا حضينه قلت هذا حضيني!

لى شدوا العربان فوق اوضح شال
أفج ما بين المراجل ظعيني

يرعى بسبعماية وسبعين خيال
حامينها بمذلقات العريني

مرباعها ما بين ابانات والخال
ناحين عنه الدوسري والحسيني

ما هم بنجع بريه جماعة المال
علوى هل الردات يا شيب عيني

***
© 2024 - موقع الشعر