متعب بن عبدالله

لـ فهد عافت، ، بواسطة فهد عافت، في غير مُحدد

متعب بن عبدالله - فهد عافت

الخميس الي تناثرنا بجوه
لين ضج الليل عشاق ومحاني

بالنفيس اللي خذا الدنيا مروه
ماخذاها صولجان وهيلماني

ذعذع الما والرطب غنا ونوه
كل غصن بما عليه من الأغاني

خابر بيني وبين الشعر خوه
ان بغيته جا .. ولاجيته بغاني

ياسمو اللي تساما به سموه
بك تعلمنا عظيمات المعاني

متعب محبينه .. مريح عدوه
بالعطا ذولا وهذا باليماني

السماحه من تعاليم النبوه
وانت كملت السماحه بالتفاني

اثر مابه ليل به صبح مشوه
وان صفا ماغير صبح .. وصبح ثاني

واثر مابه غير ضعف الصفح قوه
نقط . والمجني عليه يصير جاني

واثر تو العمر والقنديل توه
والطريق اكرم كثير من التواني

وانت من سماك متعب ماتفوه
بالعبث , حاشاه ماحاشا لساني

في رواح الزعفران وفي غدوه
وانت تعطي كن هالدنيا ثواني

ماخلقك الله ب( ليت انه ) ولوه
كملك واقصى الخلايق عنك داني

© 2024 - موقع الشعر