يا مسا الخير - عبيد الداموك

يامسا الخير ياللي كل حزة غروب
اذكره واذكر اخر موعدآ لمنا

والله ان المسا عقبه غدالي ذنوب
رحلت الذنب لاقبل صوبها خمنا

رحلتن كل ماجت جيت وازريت اتوب
عن هذاك المكان ونشفت دمنا

في جنوب الشمال وفي شمال الجنوب
كم رمتني على قمة جبل همنا

حول قريه تقع مابين عدة هضوب
شرقي هضابها كم كانت تلمنا

للقرايا واهلها ذعذعي يا هبوب
او من هناك بالله ذعذعي يمنا

جعل غر السحاب اللي بروقه شبوب
يسقي المو قع اللي خيره يعمنا

ياخذ اربع طعش ليله وجمه سكوب
يلبس الارض ثوب الطرز ويلمنا

واسطةخير. وان لبس العباه السحوب
ان ماحل القضيه سلم من ذمنا

والله اني له اطرب مثل ماني طروب
لالقا في بعيدآ بعده يهمنا

اخبره صار غيب وواسعات الدروب
ضقت من صدرها الي بالسعه ضمنا

اتنشد وصار الحظ وجهه شحوب
الخبر علم بكم وسامعه صمنا

© 2024 - موقع الشعر