متيم

في محكمة لاشواق قلبي تظّلم
عساك يا قاضي الهوى ما تقاضيه

يشكي حبيب ٍ في شعوره تكتّم
ما بيّح بشوقه ولا جاب طاريه

يا قاضي ارفق بالحبيب و ترحّم
لي ما رعيته حضرتك من يراعيه؟

لي من نويت ابعد قريني تألّم
عيّا يفارق له قرين ٍ يخاويه

حتى شعوري يرتبك ويتلعثم
أبكي واضمه لجل قلبه يهدّيه

لا عوّد الله يوم يا صاح عزّم
قلب ٍ يودّك ينثني عن مباديه

لو صار قلبك يا حبيبي جهنّم
بذنب ذنوب اكبار واخلد انا فيه

عز الله اني فيه برتاح وانعم
واشرب من الزقّوم كاسات وارضيه

واطرب لزفرات اللهب واترنم
واداعب الغيظات في قعر خافيه

والبس سوار ٍ من جمر واتعشّم
أطوق الجيد بْمسد لجل احلّيه

واكشخ بثوب من لظى واتحشّم
والبس من القطران شال ٍ يغطّيه

حيث انّ نارك في خفوق المتيّم
برد و سلام ٍ ليتها تشتعل فيه