قالوا تحبه قلت مـا هـوب بالحيـل=بس انه أغلى شوي من نـور عينـي

يسوى جميع الجيـل الأول وهالجيـل=أحبائـي الماضيـيـن والمقبليـنـي

شوقي له أعظم من ظما الأرض للسيل=وأشفق عليه أكثـر مـن أم الجنينـي

وأحتاج له حاجة ثرى مصـر للنيـل=وعليه أغار ولو مـن مـا للوالدينـي

أشتـاق لـه شـوق المحبيـن لليـل=وأرتاح له راحـة دمـوع الحزينـي

لا صار جنبي لو سنه وقتـي بخيـل=ولا غاب لو لحظات صارت سنينـي

قالوا يحبك قلـت هـذا هـو الويـل=ما ودي أنشـد ثـم رفضـه يجينـي

وأهدم رجاي بدبرتي مثل مـا قيـل=والأفضل أحيا بالأمـل لـو لحينـي

يا حبكـم يـا نـاس للقـال والقيـل=والأمر لـو سهـل يصبـح مهينـي

خلوني أحيا في الوهـم يـا عواذيـل=وش دخلكـم والأمـر بينـه وبينـي






تمت الإضافة بواسطة : غزيل الوادي