يا الله عسـاه ايامهـا اليـوم زاينـه
يومن ليا ليهـا مـع الوقـت شاينـه
عساك فى ايـا مهـا اليـوم مهتنـى
وكل من صبر ياسعود يظفر بعاينـه
وعساك فى دوراتها اليـوم معتلـى
فى راس عيطا نايلً كـل بـا ينـه
وترا صروف الوقت تارد على الفتـا
امـا يجيهـا او تجيـلـه بحايـنـه
وترا الليالى دورهـا يظهـر الخفـا
لقلوب ناس ونا س تا قـف تعاينـه
ومن لا قضب دينه وخلقـه ومبدئـه
يعيش عمـره دايـم الـدوم هاينـه
ومن عاش بصدق المجـرب اهتنـا
ولا يهتنى بالكـذب مهفـى حساينـه
ومن عاش با الغرات والحيله اعتنـا
ويصيـر مـذومٍ ونفسـه ادايـنـه
ومن لا صبر يسقـم وتسقـم حالتـه
ويعيب مـا عابـه وتبـلا ضماينـه
ومن هام درب الكبر والنقل والريـا
يضيـع تايـه والمنـاوي ثمايـنـه
ومن يترك الما جوب فا لعسر والرخا
يعيـش بصـده وتكثـر حزايـنـه
والطيب واهل الطيب يا كثر عدهـم
والا الردا مكـروه تكثـر ضغاينـه
هـذا وهيضنـى قــولٍ بدعـتـه
والقـول برهـانٍ وترجـح علاينـه
هذا وصلى الله علـى سيـد البشـر
محمد المختـار مرسـى سنـا ينـه
