تسأليني منهو أنتــي فــي حيـــاتي ما دريــتي=أنتي فرحة عمري الــلــي مـــت أنـــا أدور علــيهــا
أنتي اللي من بديتي في حياتــي مأنتهيــتـــي=نعمة جتني من الله يا عــسى الـلـه يـمــد فيــها
من عرفتك وأنتي أهلي.. وأنتي ناسي.. وأنتي بيتي=وأنتي أحساسي وصـوتي ورغبتـي وحاجـــة أبيــها
وانتي أحلا من سكــن هالقلــب وأول من وفيــتي=وأنتي أغـلا من تجينـي ساعـــة الشـــدة وأجيــــها
ينطفــون النـــاس فعيــوني الا منــك ضـويـتـي =كن ما فالكون غيـــر عيــونــك أنتـي وحاجبـيـــها
كنــك الصبــح ورذاذ المــا وغـيــثٍ لا عـطيـــتي=ينبت الــنـــوير فكفـــوفــي وتثـمـــر راحتــيـــــها
وأنتي اللي تشرحيــن الصـدر لا منــك حكيتـي=وللسوالف معك طعم الهـيــل يـــوم تبهريـــهــا
وأنتــي اللــي لا تمايــــل خيـــزرانــك وأرتخيـــتي=مـالــت الدنـيــا وكيفـــك عـدليــهــا وميلــيــهــا
والله أنـك تقدريــن والـلـــه أنـــك لــو بغيــتـي=تحرقين أعصــاب أعــصــابي قدرتـــي تحـرقــيــهــا
لكن الله سخرك لي كل مــأزعلتــك رضيــتــي=الله لا يـحرمـنـــي هالطيــبــه ويــرحــم والديــهـا
كل هذا وتسأليــنــي عــن غــلاتــك مـــا دريتي=أنك الشمس اللي تضوي فـي عيونـي وأحتـريـهـا
شفتي يوم الله يحبــك قطـك الله فــي كويـتـي=لا تولعــله بحـاجـه غاليــــه يتــعــــــب علـيـهـــا