يوم جيتك والدموع تقول في ذمّة سؤالي
الرحيل أرجوك لاتطريه شفتك تستهينه
ويوم روّحت وجدعت القلب وأودعت الهلالي
ماتمقّلت بدموعي ولارحمت أغلا سجينه
ويوم جابتك المسافه وش بك ؟ تقيس أحتمالي
لاماعاد القلب يبغى له وليف أسمع ونينه
والله أني بنت حرٍ لاتوسّدت الليالي
وسّدني ظل مزن ولحّفنّي طش زينه
وش علينا من هجير القيظ نمشي بأعتدالي
وش علينا من بقايا الأمس وأسرار السفينه
والله أني لو تعبت أتعب دقيقه من خبالي
لكن أني ماأتبع المقفي ولا أراقب سنينه
البروق أن صبّت الماء وش عليها من أشتعالي
والبحور أن جزّت الشعر الحقيقي وسط عينه
يكفين واحد يرحّب ياهلا. جدي تعالي
وأسكني قلبٍ تمنّى جيّتك بسمع رطينه
أسكني يابيي بروحي . بقلبي. لا.بحالي
حسّك اللي من دخلني هاجت الروح السكينه
السكينه ياعيوني .. السكينه يامنالي
بسكن قليبه بموت بجرّته وبحرث طينه
يايبه أسمع تراني عاشقه روح الشمالي
عاشقه معنى الرجوله والشجاعه في جبينه
