تعطـرت بالريـح فـي يـوم لقـيـاك"
" خبله تحسـب الريـح يقطـع عطبهـا
توغدنـت بثيابـهـا تــب تنـشـاك "
"ياليتهـا مـاجـات تجـنـي رطبـهـا
يوم طمـرت مـن قنطرتهـا علـى ذاك "
"وزلّـت قدمهـا مـن عـذابٍ جذبـهـا
صرخ أخوها ريم ؟ وش جاك وش جاك ؟"
" كحّـل بياضـه بالـسـواد وسكبـهـا
أشتالهـا ودموعهـا تطلـب رضــاك "
" بـس تّحـدّر عـن كتـوفٍ رهبـهـا
قو الحـزن والحيـره وشـيء يخفـاك "
" وأسـرار ليـل ونغمـة أمـي سببهـا
طشّ الفراش ! وظمّها ريم وش جـاك ؟"
"تكفيـن قولـي قبـل أولّـع حطبـهـا
ياريـم قولـي منهـو اليـوم بـكـاك "
" منهـو دخيلـك بـس أبعـرف سببهـا
جلّ اللذي فرّق عـن البيـض ماطـاك "
" هـو الوحيـد اللـي قذفـك بلهبـهـا
ودّي أخمّـن جعـل رأسـي فـدايـاك "
" وودّي أكفـف دمعتـك عـن هدبـهـا
لالا.. بقول .. أصبر عسى الريم تفـداك "
" لالا.. مأحـب الظلـم نفسـي سلبهـا
يـومٍ طلعـت وبشّرتـنـي بفـرقـاك "
" قلـت أتـزوّد مـن مويهـة عربـهـا
وزلّت قدم وأنخفسـت بطيـن ممشـاك "
" وجاهـا عـدوٍ جــدّع أروع كتبـهـا
مالله كتب شوفـك علـى مـر الأفـلاك "
" يـوم الحـيـاة بصمتـهـا تقتنبـهـا
