لي ناظـر مـن شـوف غـيرك حــرمـته
ماغـيـر أناظـر عـن عـيون العـرب فوق
فـيـك القصـيد اللــي غريب نظمـته
وغـنا بـه اللـي ذايـق مــثل ما أذوق
وش قـلـت؟فـي حــب عـظـيـم كـتمته
عـشـريـن حــول مـادرى عـنـه مخــلوق
مظلـوم حـب وأنـته اللـي ظلـــمته
سـجـين رغـبات مـن الـناس مــطلـــوق
لو الشـقا بـيني وبـينــك قسـمـته
قـاسـيت ماقاســيت مـن ثايـر الشــوق
وأما جـرحـت الـقلـب والا رحـمــته
وإلا جـهــلت أســـرار عاشــق ومعشـوق
وحـب تـجاوز ماتـصـــور هــدمــته
وأصـبحـت كـني مـن عـلى الوجه مصـفوق
وفـي المخـتلف حـد اخـتلافي حسـمته
لك أنـت مهـما كـان مايـمـكـن أتــوق
وأخـر كـلامـي ياهـوى الـبال دمـته
غـالي وعـنـدك بالهـوى مـالي أوفــوق
