غفي ليلي وانا عيني سهيرة
تناجي وحدتي دمعة وحيرة
ويتعلق على الشفه كلامي ..
شنق نفسه .. قبل يبدي السريره
وتاهت ونتي في وسط صدري
ضميري عذبه ونه ضميره
وانا ويا الكرى محنا ولايف
رحل من مقتلي وارسل نذيره
وحتى ضحكتي ماهي بضحكتي
عقب مافارقت طيف وديره
فؤادي لو قدرت املك زمامه
وعقلي لو قدرت اني أديره
حشي ماقدر على فرقاك لحظه
وطيفك وين ابلقى بس غيره
وكل ياحبيب القلب لازم
على طول المدى يعرف مصيره
ترى الايام لو تبعد حبايب
مسير الوقت يجمعنا مسيره
عيون الصب تنبي عن فؤاده
قليل الشئ يحكي عن كثيره
وانا في غربتي بالحيل جنبك
صغيره دنيه العشاق صغيره