على شارع الـحـله وانـا اراقب الـفـلـه=عرض لي عساه الخير من ياسم العرقات

على كبدي اللي تجحد الغيض والعلّـه=كـوانـي وخـلانـي عـلـيـه اجـذب الـونـــات

تقبّل مغيب الشمس يمشي على ظلـه=ضحى والضحيه منه انا طحت بـالمثنات

حدث بي بعد مـا قفيت يا فاتني خله=الا وعـذابـي مـنـك يــــا شـمـعـة الزيـنـات

انــا الـلـي عيوني تزعج الـدمع وتهله=جـرح خـدهـا الـلـي حـدّهـا تزعج العبرات

غـزالٍ تغطرس بـالـحـلا والـغـلا كله=يـسـوق الـمـنايـا ســوق ويـتـابـع الـغـارات

تـجـزّل بـهـا اللي بـــالحلا محسنٍ دلّه=عـذاب الـعـيـون عيونه اللي كما الساعات

الى أقـبـل يـدانـي خـطوة الرجل ويتله=أقـول الـحـيـاة الـلـي بـقـت مـــا لـهـا لـذات

أقولـه وانـــا يـــا غـافـر الذنب والزله=لـيـال الـشـتـا قـزّرتـهـا هــاجـسٍ وسـكات

أحسب نـجـوم الليل واسهر على الدله=وحـيـدٍ فـريـدٍ شـاب راسـي من الـلـوعات

الا واهني من ناعم العود مصخيٍ له=ارفـه على نـفـسٍ طنت مـن زمـــانٍ فات

ورا مـــا تعاملني على الدين والـمـله=حرامٍ عليك ان مـت مقهور مع من مــات