علم لفاني يا بن قراش ذا الحين =مثلك ليا شانت علومه كناها

اركبت لي هجن واهلها مشيحين =يا ليت هجنك صادفت من خذاها

أنا صبور يا زيون المخلين =ونفسي شطنها من هواها

صبرت من خطلان الايدي هل الرين =اللي من السابق طرى نباها

يا غرسة في ناعمات البساتين =منبوتها العنبر وما الورد ماها

مهرة شريف دنية دلها زين =ويا مسندي من كثر ما له شراها

والله لو اني م الربع الادنين =اني لزينات الصبايا عناها