ســرنا لينــــبوع الصخا مكرم الجـار
اللــي ســعى لرعــــيته بالصــــــــلاحي
نقّـــاض مايفــــتل حــيول(ن) ومكار
يصمت ولو هو يســــمع العلم صـاحـي
جبـــنا له اللي كـــنّها ظبي الاقــــفار
مـركوب من يـروي شـــباة الســـلاحـي
لافــين عنّه عند ما قلّــــط الـــــــــنار
ولاني عـلى اللي ينــتوي له شحــــاحي
واقــبل لــنا بالعـــــلم واقفى الدويدار
وجـانا من الفـــندي جــواب(ن) قـراحي
قـالــوا جواب(ن) لاحكي به ولا صار
الله يعـــــين اهـــل العـــقول الصـحـاحـي
جـــــانا بعذر وقلت انا الربّ ســـــتار
رزقــــي علــــى مـذري هبوب الريـاحي
الـــرزق ياتي مــثل هــــتاش الامطار
مــــالـــــه مصـــك ولاش دونه سـلاحي
ان كــان تسمع من هل الكذب والعار
ودّع بنا رازق خــفـــوق الجـــنــاحــــــي
وعدنا على هجن(ن) من البعد ضمّار
من الـقـــفل يشـــدنّ النــــعـام الـمـداحي
تودع حصــا الرشراش بالـدوّ طــــيّار
الاّ ونقـــدع روســــهن باللـــــواحــــــي
خــــذوا عليهن ساعة(ن) وقم مغوار
وعــن الوعــر عطـــــوا بـهـن السماحي
كـم ليلة(ن) ســرنا على هجن ومهار
نطـــلب من اللــــي خزنـــتـه ماتـــــباحي
حــنّا كــما حــرّ(ن) مــراقبه الاوعـار
يشـــهر الى شــاف الجـــفــا عنه راحــي
وحــنا مسقّـية الـعدو كـاس الامـــرار
ومعشّـــــية بالضـــيق بـــرق الجــــناحي
يـاما نزلــنا مــنزل(ن) غــبّ الامــطار
الســـــبر ينطــــش والجــهامة ضواحــي
كم ذود مصــلاح(ن) على راع الاقفار
ناخـــــذ قلايعـــهن بـــروس الرمـــاحــي
والطـرش جاك مشوح(ن) عقب ماذار
هــــجّ الحـــــــلال وغثبروا بالصـياحــي
يا ما حديــناهم عــلى المــــيسم الحـار
هـــدّات حـــرّ(ن) تعـــجب اللي يـــناحي
وجاني جواد(ن) مارج(ن) زنيه وسار
بايمـــــان ربـــــع(ن) يبـعدون المناحـي
كـان الخـــطا مـــنكم تقـــبـّلـنا الاعـذار
وان كــــان منّا طالــبين الســــــــماحي
ما ابيـع ديــني بالــدراهــم والافــــجار
الــــــمال يذهــــب وأخـــر العمر ماحي
