ياحرفي اللي ضاع مابين الدفاتر والرفوف=اللي رسمته من تنهاتي ومن حبر قلمي
ضحيت لاجله في حروف وقمت لاجله في حروف=وصبرت لو النار من فوقي ومن تحت قدمي

ياصاحبي ياللي على شانك تحديت الظروف=اسمع كلامي زين وافهم وش اقوله من فمي

ماهوب انا اللي تتركه بين الخناجر والسيوف=وتمص دمه بين خلق الله يامصاص الدمي

انا بدوي(ن) ماسكن فالوقت مسكان الضعوف=اتبع هوى بالي واسيـّـر عند ذودي وغنمي

صمتي يدل اني وفي ومسوي(ن) فيك معروف=وصبري يدل اني من زحول الصناديد انتمي
ياقوم ياللي تذبحون الحيل قدر(ن) للضيوف=وش رايكم فـ اللي يعشيني من وصال لحمي؟

وقفت له يوم اجلسو واجلستله ناس(ن) وقوف= غير الذخيره والفشق في محزمه من محزمي

فهد الخرجي