ماني مجازيك في صدك وهجرانك =ودعتك الله وتلقـى واحـدٍ ثانـي

أتعبت الأعيان والأقدام من شانك =وانته ولاشئ سويته علـى شانـي

فزيت لك يوم قلت اسمك وعنوانك =لوكان ماتنتمي لسمـي وعنوانـي

ماجيت ادورك و لا أطق بيبانك =والا أترجـاك مثـل أفـلان وافلانـي

أنت الذي جيت لي وأعلنت بلسانك =انك على شوفتي جايع وعطشاني

صدقت هجرك ومنطوقك من السانك =وأقبلت لك مندفع من كل وجداني

ما كنت أفكر يجي في يوم نسيانك =وأنساك وانته معاهدني ماتنسانـي

الابعد ما قريت الكذب فاعيانك =حاولت اوادعك وانسـى كـل ماكانـي

خلاص ماني بمتعنـي علشانـك =ودعتـك الله وتلقـى واحـد ثانـي



بواسطة العضو: فــــــــهــــــد الــــــــخــــــــــــرجي