البارحة يوم كل نايم يا نايف =أخوك ماهوب لانايم ولا واعي
يحوف قلبه من همومه مية حايف=من غير هم قديم بين الأضلاعي
هم يزعزع جبال طويق والطايف=مخفيه له مدة مع باقي أوجاعي
لاشك ماني بمن غدر الزمن خايف=أعرف دخولي بعد ما عرف مطلاعي
لكن الأيام منها خاطري عايف=لو أنها تجربة عمر وتمتاعي
يلوفني عن مقاصد خاطري لايف=وأمشي مع الدرب وعيوني لمرجاعي
ولاعاد تنشد عيوني ويش أنا شايف=مافي عيوني يسولف لك عن أوضاعي