ينبت الورد في كف الوصال=والليالي في غيابك مجدبه
تشرق الشمس في عين المحال=حين جاني صوت لذني ما أعذبه
هب نسناس الهوى شرقي شمال=والمشاعر كل خيل تشعبه
من بغى قربك عليه البعد طال=من بغى بعدك اطيوفك تقربه
ضاعت أيامي على روح وتعال=والليالي من عنادي متعبه
اطرب المسحوب ونات الليال =وصوت ضحكات السعاده ما اطربه
اشرب اللال في صحراء الخيال =والزلال بوسط كفي ما اشربه
اعشق المر لو صعب المنال=والحلا بين الشفايف ما اقربه
قالوا الدنيا بتاليها زوال=قلت نسيانك علي ما اصعبه
قالوا ان الشعر في كذبه حلال =واعذبه موصوف دايم فأكذبه
قلت صدقي بان والخفاق مال=والشعر لو رحت عقبك ما أكتبه