انا ماني سواة اللي توطي راسها بالقاع=تجيد الهرج بلحونه تواعد من يواعدها
رقيت برجلي العليا ودربي غانم ما ضاع =وعوايد ربعي احفظها وعلى دربي بعودها
لبست من العقل حكمه وغطاني العقل بقناع =اخذت من الوفا طبعي صفات الخير امجدها
اطوع بالعقل عقل بحياته قاسي ما طاع=ظلام يحجب عيونه وانا صبحي يبددها
ضويت بداجي الظلما شموعي والعرب هجاع=علوم المعرفه دايم على فراشي وسايدها
عرفت ان الهوى ساري وعرفت ان البشر انواع=مشاعرها على موجه تذوبها تجمدها
شريت من العرب شاري وبعت من العرب بياع =سوالف بالقفا ماني مع العالم بطاردها
انا ماني سواة اللي تجي مع دقة الاصباع=انا خيل بلا فارس عجز منهو يجودها