سقى الله يوم انا طفلة وأنام ولا حد قدي=ولا أحاتي هموم اليوم ولا أحاتي أمل بكره
تداعب أمي بشعري تمسح يدها خدي=ونومي هادي وساكن ورعانا الرب في ستره
تلاعب يدي الدميه وعندي هالزمن وردي =همومي لعبتي ضاعت وعندي هم وش كبره
كبرت وزادت أهمومي أحس أن الزمن ضدي=كبرت ونظرة الطفله تعيش بداخلي فطره
كبرت وعشت هالدنيا كبرت ولاهو بودي=كبرت بشكلي ورسمي وعقلي باقي بصغره
وصار الهم يلعب بي كما الدميات في يدي=واسامر ليلي بطوله ويلعن رحلته فجره
زماني كشر بنابه وصبري بيح بسدي =حياة بحرها هادر وكل غارق بشبره
بشر تاكل بعض تاكل وتحرق عينها جلدي=بشر تسرق صفا خاطر وكحل العين بالإبره
ياليت وليت انا طفله وأنام ولاحد قدي=ولا أحاتي هموم اليوم ولا أحاتي أمل بكره
\