لا تلف ولاتدور - مشهور القليطي

يازمن بكتب عذابي بين طيّات السطور
من سوالف غربتي ارجوك اخفي مابها

العلم ماهو خرافه عمقها عمق البحور
ولا سوالف زايفه الناس تنقل ثوبها

ضقة والله بدنيتي بين فقد وبين جور
لين صارت ونتي ابيات وحرفي صوبها

مابغيت اقول آه وينتشي غيري فخور
الهزيمه وارده واصحا تجرب شربها

للحكي اصناف عده مثلها مثل البخور
إما بخور طيبه والا رديه ريحها

الحذر تنطق كلام فاجر كل الفجور
الحذِر يسلم حقيقه المصايب عقبها

يقولها دايم ابويه..لاتلف ..ولا تدور
لا تعيش بدنيتك للناس تنبش كربها

واحد بتبقى وابني الامل عالي قصور
ولاتعاتب صاحبك بعين ناس تغيبها

احفظ رفيقك فالحياه والرفاقه بالشعور
ولاتفكر بنقص ناس ثم تحصي عيبها

ماظن بهالزمن بتلتقي عطر الزهور
او عبير صافي(ن) وماتعكر طيبها

© 2024 - موقع الشعر