ليتك على قلبي ولـــو مرّه تويـق
وتشوف بعيونك غــلاك ومكانك
بل بوصالك من غدا نــاشف الريـق
متعطّش لشوفــك وودّه حنـانك
شفت الوسيعه من بعد فرقتك ضيق
والضيق علّـــه مــا يمّر بزمـانك
ياللي بعيني غير كل المخـاليق
رفيع قدر .. وعالي الشان شانك
أطيقك .. وغيرك من الناس ماطيق
الله على من يحسدونك أعــــانك
قصيدة ٍ لــي جتك من غير تنسيق
من شاعر ٍ حبّك .. وفالك .. وصانك
تقــدر تقـــول إنّه من قليب عشيّق
يموت فيـك بقسوتك او ليــانك
ماهو مثل بعض القلوب المطافيق
يهيم ... لكن لاتعـدّيت خــانك
منســاك لوّك رحت غرب ٍ وتشريق
بعدك قفلت أبواب قلبي عشـــانك
هذي حروفي ياعسـى فيكم تليق
وياليت أحبّك ... اسمعه من لسانك
