عزاه يا قلبٍ من الـــــحب ملــتاع
قلبٍ عليه الحب هـــم وفجيــــعه
جاء يحسبٍ الحب ريفٍ ومرباع
ما يدري ان الهم أصبح ربيـــعه
وقع ولا حصل نجاةً ومطــــــلاع
الا الهموم الجايره والخـــديــــعه
انا نصحــته يترك الحب مـا طاع
قلبٍ عنيد وصاحبه ما يطـــيــعه
قلت اترك اللــي للمواثيق بـــــياع
اللي على نقض المعاهد سريعه
اللي على بيع المشاعر لهم بــــاع
حب المصالح قدمــــوها ذريــعه
ناسً تنوع مـــا عرفنا لها أطــباع
صار الكذب والغدر فيهم طبيــعه
من حبهم خلاص ميس ومـــــلاع
حبً كذا يا ناس ما نستطــــيــعه
حبي وفاء ماهوب لعب وتمتـــاع
باقي وغيره للفناء والقطـــــــيعه
يكفي عرفت ان البشر عدة انواع
نوعا ثمين ونوع ودك تبــــيـعه
