يافلان ذكرني اليا منــي اخطـــــــيت
معاد الركز فالصلاة وعــــددها
علمي بنفسي يوم فالصف صفـــــيت
سرحت بالتفكير يمـــــة بلــــدها
جسمي وقف متوجهن وجهت الــبيت
لكن تفكيري وقلبي قصــــــــدها
اللي معي بالفكر ان رحت وان جيت
ياليتني مثـــل الوريــد بجســدها
افرح اليا مني لصوته توحــــــــــيت
ويضيق صدري لا تاخر وعـدها
زينه سحر عقلي وله قلبي أهــــديت
والقلب مات أبحبها مـــــا نشدها
لا سلهمت بالرمش يا ناس جــــنيت
تزيت في نيران صـــدري وقدها
ما شفت مثله بالبشر حـــــــياً وميت
حوريةً مـــــــــا ظن يخلق بعدها
اعجز عن التوصيف لو إني أقصيت
معاني التوصيف وقف جهـــدها
من صوتها ما مل ولا منـــــــه مليت
وأشتاق له دايم وشوقــي وردها
هذيك لو يطلب حياتي لـــــها أعطيت
وعيش طول العمر خاتم بيــــدها
