تعالي يا مداهيل الحروف وسولفي يمــي
أبكتب لي قصيدة شهر مـــــارس مايقيدها..
ولأنه ماتعــدى صلب موضوعي طرف كمي
تعالــــــــي جاريه تركع (ولا) قدام سيدها..
يا صوت الطهر يا الصدر الوسيع لضيقي وغمي
ثـــلاث اسنين أدور لك قصيدة وآتصيدهـــا..
تعبت آقف على باب الحكي.. ما قال لي سمي
يا أعظم من قصايدهـــم فرايدها وجيدهـــا..
يا يمه يا بعد روح الشعور وما نطق فمــــي
وجودك يعمر إعروق المعاليق ويشيدها..
عرفته قلبك وعشته مـلاذ ومرتع لهمي
وطن يستوطن ضلوعي يرتبها.. ايهيدهـا..
قصيدة ما وفت حقك ولا بتوفيك يا أمـــي
عساها تربك الدنيا وجمهـــــــوري يأيدها..
أنا ما بنتظر (مارس) عشان أكتب لها بدمي
أنا كل يوم إهنيني بهـــــــا وكل يومٍ أعيِّدها..
