|
شبكة الشعر :: عمر الظفيري ::
خذاني الشوق
|
خذاني الشوق مع ماضي زماني على ظبين من اعماقي سباني
وقمت اكتب حروف الشوق فيها وقمت اوصفه كيف انه بلاني
حبيبي وردتن عطره انوثه والحانن جميله مع اغاني
هيا العصفور لامنه يغرد على فجر المحبه في زماني
هيا الاحساس والبسمه الجميله هيا نور الامل للي يعاني
هيا تلن على ضو الصباحي هيا جنه ولا حوله جناني
خدوده خد من تفاح حالي وخدن كل بدر نور مكاني
اذا تنطق تبعثرنا سكارى تدوخني تزعزع لي كياني
تثير العقل من فضة كلامه جزاله مع عذوبه بالمعاني
تذوبني على نار المحبه وتشويني على جمر الثواني
احسب الشعر لاهبت نسايم حريرن يرتمي فوق المحاني
اشوف بعينها شوق ومشاعر وعينن غاويه فيها شقاني
تنومني على راحت جفونه برمش العين محبوبي كساني
حجاجه ناعسن يرمي خفوقي بسهم العشق مسموم بحناني
شفاها مثل ياقوتن تثبت بوسط الثلج مبسمها كواني
رحيق الريق خمرن فيه سكر سقاني خمرته لين انتشاني
حنينن صادقن يرجيه كره يبل الريق من خمرته ثاني
خطاها مثل طيرن فوق غصنن تهادى فوق عود الخيزراني
وخصره لا تثنى مال جسمي يمين يسار مع صافي الثماني
اذا اقبل عليه قام قلبي يزلزل وقفتي يبرم لساني
اذا دبر تصيح العين حرقا وعينن ترثي أفراح المعاني
احبه واعشقه واهدي حياتي على راحات شوقي والاماني
ولو يطلب عيوني كلها له قليله لو يبي كلي خذاني |
|
|
