نور حياتي شمس لقيا حبيبي
واظلم حياتي يوم قفا وراحي
ذبلت زهور الحب يوم المغيبي
والشوك قاوي زاد فيني جراحي
ساد الظلام اللي سواده كئيبي
والضيم ريحه في سما القلب فاحي
تجمعت اشجان قلبي الصويبي
سدت تدفق نهر حبي القراحي
الضيق حابسني وزود لهيبي
مدري متى الاحزان تطلق سراحي
دمعي على خدي غزيرن سكيبي
يروي جيوش الهم يوم الصياحي
مهموم وجهي من نظرني يشيبي
وحيد مالي غير جرحي وشاحي
مغلول صدري خانقنه نحيبي - عليل غمي كاسرن لي جناحي
ليلي جفونه مثل قلبي شحيبي
يبكي حياتي لين يضهر صباحي
الموت خانقني واحسه قريبي
بيني وبين القبر مامن براحي
هذي حياتي والمصيبه حبيبي
سم الخفوق اللي يحبه وراحي
