ياعيني يالي ماتنام الليالي
وش علتك ياعين دايم تصيحين
تبكي على اللي قاطعن في وصالي
اللي غرس في خافقي الف سكين
اون طول الليل واسقم حالي
اسهر مع نار توقد بي سنين
اسهروانادي ياحياتي تعالي
اطوي شجونن كاسين قلب مسكين
مهموم وهمي مثل ثقل الجبالي
صاعد علي ومرتكز فوق متنين
خلا حياتي تتجه لزوالي
اشقاني ثقل الحمل يومك تقفين
دايم حزين وخافقي فيك سالي
واتخيلك يومك عليه تفوتين
اشهق واحسب اني بعلم وخيالي
يتصورك قدام وجهي تحيين
قامو هلي جابو مطوع قرالي
يومك تزوريني ولاانتي تزورين
جاوب ولدكم مالطبه مجالي
الا تشوف العين سيد المزايين
جرحي عطيب وزاد جرحي سؤالي
كل العذاب اللي اعيشه ولا تجين
لايكون قلبك من هوى الحب خالي
ولى مع الايام تبغي تناسين
ولى لقيتي من يودك بدالي
شخصن تشوفي فيه شين تودين
ان كان حبه صافينلك فلالي
الا بدعوايه عساكي تهنين
وانا عن الدنيا بشد الرحالي
واطوي نهايت قصت انسان مسكين
