مسكين راع الهوى متردىٍ حالـه
دايم وطيف الهوى والشوق يلعبـه
دايم مزاجه حزين و مشغلن بالـه
الشوق ناره بوسط القلـب مشتبـه
شوقه لخله يزيد بزود كـل مالـه
يشتاق لو كان خله جالس بجنبـه
له في حياته أمل يشقى ويسعى له
يبذل جهودٍ كثيره لجل يظفـر بـه
قلبه مع اللى يريد و رايد و صاله
معشوقه اللى سلب تفكيره و حبـه
هو غايته والمنى يهواه بـ لحالـه
يوم الأمل غايبٍ عن عينه وقلبـه
ما يستمع للوشاة و قـول عذالـه
ما همّه الا هواه اللـى تولـع بـه
عزي لراع الهوى ياناس عزالـه
حاله صعيبٍ علي يالله تلطف بـه
عساه يلقى السعد و يحقـق آمالـه
و يلقى بحياته فرح من ربى و ربه