الوطـن معنـاه يكبـر بالوجـود
ويستمد البـوح باحسـاسٍ نِـدي
له حروفي والمعانـي والـورود
والمشاعـر كنهـا طفـل يْعِـدي
كل يـوم وحبـه بقلبـي يـزود
مـن نهاياتـي لساعـة مولـدي
انتمائي للوطن مـا هـو حـدود
ولاقصيـد ولا بسـاطٍ أحـمـدي
انتمائي يحتوي صـدق العهـود
لانتهى بـي كـل معنـى يبتـدي
حبنـا للدارمـن عصرالـجـدود
وِرث من جدي وابعطيـه وْلـدي
ما يزعزع حبنـا هـرج الحقـود
ومن يخون الـدار لا بـد يغـدي
الوطن شامخ رغم كيـد الحسـود
بحكمة اللـي رد كيـد المعتـدي
الوطـن يفـداه ضبـاط وجنـود
وكلنا مـن دون أرضـه نفتـدي
الحميا مـا تبـي قلـبٍ شـرود
والمواقف ما تبـي شخـصٍ ردي
للوطن نهـج ومضاميـن وقيـود
وكل مسلم فوق أرضـه يسعـدي
وبالتسامح والمبـادي والصمـود
كـل غـادي للشريعـه يهتـدي
دارنـا أرض الرسالـه بالوجـود
ما وطاهـا أي فاسـق عربـدي
دارعــز.ودار خيـر.ودارجـود
في غلاها نقـرب اكثـر ونغـدي
والسفيه اللي جزاهـا بالجحـود
ليـل يجتاحـه ظـلامٍ سرمـدي
ومن نواها بالخديعـه مـا يعـود
يكشفـه رب العبـاد ويقـتـدي
دارنا من دونهـا نسـل الفهـود
المليـك اللـي بنظراتـه مــدي
كم مسح دمعـة يتيـمٍ بالخـدود
وفي يمينـه مـدة الكـف بْـردي
بالمشاعرصادق احساسه يجـود
وضحكة حجاجه (هلا بك يا بْعدي)
