هلا بك اَرحَبْ كل شبـرٍ مشيتـه
خطوه عزيزه يا ملكنـا وحيّـاك
جيت الحسا هلْ الفرح يوم جيته
ذي دارنـا دارك,وحلّك,وملفـاك
الله يحيي مـن لفانـا وصيتـه
يبقى صدى في قلوبنا حب ناداك
حي الذي عذب القوافـي هديتـه
يتعب قصيدي وصفها في عطاياك
سبحانه اللي خادمْ انـت لبيتـه
حماك من كل الاعـادي ونجّـاك
الله كريـم بالدعـا لـك رجيتـه
يحفظك من شرٍ يبارك بمسـراك
بو متعب التاريخ باسمك زهيتـه
سبحانه اللي ثبت الخير بخْطـاك
صنديد يا سور الوطن ما رخيته
مديت إيدك للوطن قلت له هـاك
حميت دستور العقيـده ووقيتـه
ورفعت راية ديننا بكـف يمنـاك
أهل الحسا تهتف ملكنـا فديتـه
ابنائنا ,بناتنـا وبالهـلا جـاك
وابوي سلطانٍ الكرم ما نسيتـه
عسى الولي يحميه ,يحْفظْهْ وياك
بو الخير سلطانٍ ترى البيت بيته
تحيـةٍ منـا تـرانـا فـدايـاك
يحميكم الله عاليٍ مـا عصيتـه
ويحفظ بلدنا من عـدوٍ وسفّـاك
واللي يعصاكم بالدعاوي هميتـه
ولكل خوّانٍ عصى رب الافـلاك
