أمطري يامزنة الشعـر جمـرات وسعيـر=واغرقي صحراء القصايد بهمـي واقبعـي
قنبعي حرب الحواسـم وصيحـي للنذيـر=قنبيعيهـا لابـو الحـظ الاقشر....قنبعـي
قولي أنه قالهـا وقصمـت ظهـر البعيـر=كلمه اللي مايعرف الطواف مـن السعـي
وقولي إنه مايحقـر الرجـال إلا الحقيـر=لعنبو رجل علـى العيـب نفسـه ترتعـي
وقولي إنها جات بيـن المقفـي والمغيـر=في زمان مابقـى بـه حـلال ولارعـي
ودام ماهز الغني شـوف دمعـات الفقيـر=قولي الله يرحـم الجـود ويبيـح الوعـي
خوة الطيب كما العـود الازرق والعبيـر=لازهمتة جاك وإن جـاك قصـده ينفعـي
وأنت ياللي خوتـك كلهـا نفحـات كيـر=والله لاحد فازع لـك ولأأنـت بتفزعـي
ايـه يامـي واتفاخـر بربعـي ياصغيـر=يامي وزناد الايـام مـن تحـت اصبعـي
مامعي لك غيـر نـار تسمـى زمهريـر=ويامعا الارهاب ضدي وياما إنـك معـي
اركد اليا طعتني ورضخ الحكـم المصيـر=وأنت والمنه ال...ربك تشـوف وتسمعـي
ايه ولا أنت أول غريم رغى عقب الهديـر=دامها وصلت به أمـا الرغـا وألا النعـي
وألا أنالوثقل حملـي ولوضعـي خطيـر=مـا علـي مـادام يـام ذراي ومرجعـي
بايع الدنيا بقولـه يصيـر اللـي يصيـر=والزمن طفـل معـاق حضنتـة باذرعـي
مافعيني غير ربـي علـى العالـم كبيـر=ولالهمي غير صدري وقلبـي واضلعـي
ادري إن الله مجيـب مثـل ماهـو قديـر=وادري أني متهـم بـك وكذبـك مدعـي
وادري أن سبق الترصد عن الزلات غيـر=والخطا إن جاء عمد غيره الي جاء مطبعي
وادري أن عمر البنادم على طوله قصيـر=وادري إن للفرح دمعـه وللحـزن ادمعـي
وادري إن دنيا التعاسه رحاهـا مستديـر=والقناعه كنز لكـن مـن اللـي يقنعـي؟؛
وادري إن الطيب خير يورث كـل خيـر=ادري إن الياس بحـر والامـل اشرعـي
وادري إن الموت ماهو سوى موت الضمير=ادري إن الصبر عنـده مـلاذي وسنعـي
يامي وافاخـر بيـام ربعـي؛؛ واستجيـر=من شقا وقت زنادة وقف تحـت اصبعـي