مدرى وش اللي بدل اللين بعناد=مدرى وش اللي غيره نور عيني

فيما مضى أحتاج له قرب وبعاد=فيما مضى تشتد به ساعديني

أعياد عمره راجية عمره أعياد=يا أنسان مالك غير رسم الجبيني

العمر كله يحوي الموت وميلادوي =يحوى شفق .. شمس الأصيل لو تجيني

ياقوة اللي راح .. هاجر ولا عاد=ويا ضعف يده ميته في يديني

يشتاق .. يحب .. يكره ولا عاد له زاد=سوى هواجس شاعلات الونيني

راجيك تنسى كل ما صار ونعاد=وتذكر خطاك اللى به أظلمت عيني

أسكت خلاص ما ينفعك قول وشعاد=لا تقول ردي .. أغفري سامحيني

أسكت عساه الجرح بالجوف يزداد=ما أريد صوتي يندهك ياخويني

وأبكي توسل أجرح الدمع لوفاد=ما عاد تقدر غير قول اكرهيني

خلاص حبك انتهى ضاع الوداد=ما أبكي حشى يا دمعتي ودعيني

لا لا تراوغ انتهى وقت العناد=حبك رخص ما عاد غالي ثميني