أضبط الوقت واذكر كل لحظة وداع=يمكن الوقت كله ما يشد الرحيل

ناس .. ناسي وناسي قلب عاصي وطاع =هم .. جدران وصمت .. غربه في وسط ليل

من يقول المحبة بالمحبة تباع=من يواسي مشاعر ميته حيل حيل

أضبط الوقت كنك تهدى لحظة ضياعوي =للظنون القديمة ضايعه بالدليل

المآسي خذتنا .. بحر .. موج وشراع=المواسم حزينه والبكاء دمع سيل

المعاني ظغينه والفواصل خداع=والشجون المقيمه تستحل البديل

بيت حرف وقصيدة والقوافي قناع=سطر .. خطوه .. حدود والمسافة تميل

عمره اليوم وينه كان يدله وضاع=قالوا أنك مقدر قال .. قالوا وقيل

جرح تخفيه عينه كان سراً وشاع=وده يخفيه لكن كل حروفه تسيل

عايشٍ باسم ماضي ياكل الهم وجاع=يشرب الحزن كله والشقى حب هيل

حب لا ماتحمل .. كره لا ما استطاع=يوم ركباه قلبه ويوم ركباه خيل