كأنك من خيوط الشمس تغار من الهوى تحتار =كأنك تسرق من الليل نظرات الهوى فيني

كأنك عاشقٍ مبهوت يخاف تخالطه أفكار=تخاف الصمت يتحدى سكوتك لو تحاكيني

تجامل كلمتك تظفي عليها من دفي الاعذار=تداري كلمِةٍ طلت من شفاتك تناديني

تخاف من الوله لي جاك يعانق في العيون أسراروي =وأكثر ما يكون الصوت شبه أحساس يعطيني

في أعماقك طفل مجروح وجرحه يحمله تذكار=تظل مثل الوليد الغر إذا ما صاح يبكيني

أموت بنظرتك وأحيا وموتي من جليد ونار=يذوب الثلج في صدرك ينبض القلب تعييني

تجمد رايك المخنوق على ثغر الامل ينهار=تنادى وصوتك المكبوت عن الواقع يدنيني

في عين جمراتك دفاها جامدٍ محتار=مع هب النسيم تحمل قصيدة منك تسليني

أظن أن الأمر امرك وآثرك تآمرك الاقدار=مدار الوقت مهما دار تظل فارس مياديني

تظل تتسائل عيونك تظل تسئل عن اللي صار=تظل عين البرّد تجمد ونور عينك يدفيني

تظل مثل الطفل خايف وصوتك يغلبه أعصار =تظل مثل الجليد اللي جمد وأخمد براكيني