يالله تلطف في العباد الضعيفيـن=اهل النفوس الطاهـرات التقيـه
وتشفي (لجدي) بدل العسر باللين=ياخالق الاكوان جـزل العطيـه
الدمع من حاله ملا محجر العيـن=ارثي لحاله يوم صـارت رديـه
شفته يكابر رغم ماشاف من بين=وانا اكتم اللوعات وافرك يديـه
ماوده ان الضعف لعيالـه ايبيـن=قابل بما صابه بنفـس ٍ رضيـه
يالله يافـارض صـلاة المصليـن=تلطـف بحالـه ياالـه البـريـه
جدي هل النخوات نسل الكريمين=اهل الوفا واهل الكرم والحميـة
لوينفدى عمره دفعـت الملاييـن=افديه في مالي ولا ابغـى جزيـه
يالله تشفي راعي الجاه و الديـن=يالله تغفر كـل ذنـب وخطيـه