قبل سنتيـن وفوقهـا اربـع شهـور=كان الحزن في وقتها فـي انتظـاري


ناديت باسمي دون احساس وشعـور=وقلت اسمعي يانوض آخـر قـراري


مااستاهلك يانوض والقلـب مقهـور=وادري اني بفراقك بشوف العـزاري


القلب فـار ودمـع الأعيـان منثـور=وسليت أنا بصمتي في عز اضطراري


وش لون أعزي خاطر ٍ فيك مكسـور=وأنـا أهذريبـك مـع كـل طـاري


أصبح خفوقي عقبك اليـوم مهجـور=أنكرت أنـا أهلـي وأنكـرت داري


ياقلب ليتك تسمـع النصـح والشـور=ولاتتبع الغلطـه هجـوم انتحـاري


وبعد السنين اللي مضت ظلم ٍ وجـور=جاني يبي قربـي ويبغـى جـواري


وحسسته أني فارشـه دربـه زهـور=وإن القطـار اللـي لفابـه قطـاري


وأيام عقـب أيـام والخافـق يثـور=إليـن صبـري ماقوتـه الـذراري


كم كنت أحبه صادقـه قبـل لايبـور=ذاك الزمن ويصيـر ليلـي نهـاري


وكم كنت أحبه واكتب ابيات وسطـور=من قبل لايقطـع بجرحـه خيـاري


واليوم جيت أوفي له أيمـان ونـذور=ونـذر ٍ علـي لاأرد فيـه اعتبـاري


جابك لي المولـى وأناكلـي سـرور=دامي قدرت أعلن عظيـم انتصـاري


وعلمتنـاك ان الزمـن لازم يــدور=وبيجيك يوم ٍ مثـل يـوم إنكسـاري


عمري مااعيش بمنطق الكذب والزور=وعمري مااحدد بالكـذوب اختيـاري


وبعد الغبينه لامـس الخافـق النـور=أدري كبيـرة بـس دوك اعتـذاري


هالحين رح وابليس صاغر ومدحـور=وأنا بحـدد فـي حياتـي مسـاري