ياليل قل له هالزمن آه ما اقساه =جنا علينـا بالظنـون وتجنّـا


من بعدماصار الحكي فيّ وياه=قمنـا علـى دروب الـوداد نتغّنـا


دام العقل والدين فينا مزاياه=صعب الحسود اليـوم فينـا يتهنـا


في هالبشر أجواد ٍ وفيهم وشاه =كم واحدٍ بالحقد الاسـود تحنّـا


لاناوية جرحك ولايمكن ارضاه=مادامك انتي اليـوم فينـا ومنّـا


بنصفّي النية كفى القلب ماجاه=وترى القطاعة ماهي اللي نتمنّـا


تبقين لي أخت ٍ ولو حرفنا تاه=الديـن يجمعنـا وواحـة وطنـا


بكرة بسافر واترك الجرح وانساه=ويالله ياربي على الخير اعنّـا


القلب في الدنيا عسى يوصل مناه =وعساه يسلم من شكوك ٍ وظنّا


ماقدّره ربي على العبد يلقـاه=ولابـد ياتـراب القبـر تحتضنّـا