على الشاشة وصفحات الجرايد شفت انا تصريح =يبون الحرمة الغافل تسـوق بليلـة غـدراا

وش اللي يتيح للحرمة تسوق بكيفهـا ويبيـح =خبر ساعة سمعته قمت اصدد عنه واتـذراا

ويقولون المره ينتابهـا احـراج مـع تجريـح =الى راحت مع السايق وهي في حالهـا ادراا

نسوا وقت مضى يوم الزمان بهالشرور شحيـح =وقلوب المسلمين صحاح واهل الشر ماتجراا

نسوا يوم الستر ماتكشفه عن هالحريم الريـح =نسوا يوم الستر ثوب ٍ كسى العجوز والعذراا

خسوا والله هل الزيف وهل التدليس والتلويـح =خسوا لو حاولوا مرة ومرة ثانيـه واخـراا

يبون الحشمه وستر العفاف من البنات يطيـح =لهـم غايـات يخبونهـا ونياتهـم قـشـراا

انا حبيت اشارك بالقضيـه وابـدي التوضيـح =عسى الله ينفع برايي وعساها تنفع الذكـراا