يقولون الزمان بخير..وآنـا اقـول بـه عثـرات =مدام بدربـي اشـواك ٍ زرعهـا بعـض عذالـي

ألا يالواشـي المسكيـن يامـن عشـت للـزلات =تظن انك وصلـت وحضرتـك ماتوصـل ظلالـي

انا اللي لانظمت الشعر جيتـك باجمـل الابيـات =على دروب الشرف والعز شعري .. ومعدني غالي

انا ربـي عطانـي قـوة ٍ أقهـر بهـا الشمّـات =عزيـزة نفـس واقوالـي أترجمهـا بأفعـالـي

تمهل لاتحسب اني مـن اللـي يوطـن السيـات =انا بنت ٍ ربـت فـي بيـت عز..وبنـت رجالـي

ترفـق لاتظـن انـي ضعيفـة أنثـر العبـرات =ولاتفكرنـي ف لحظـة بهرجـك مشغلـة بالـي

لاني بطلـب المعبـود ربـي محيـي الأمـوات =ومدام الله معي حافظ .. ترانـي مانـي لحالـي

انا مالي ردى نيـة مـع اللـي كثـر الغلطـات =مع اللي نـاوي ٍ حربـي وتجريحـي وغربالـي

ابصبر ياعسـى الله يحسـن الهقـوات والنيـات =رضا الله عنـي ورحمـة الهـي غايـة آمالـي