بسـم ربـي وخّـلاقـي أبـبـدا واكـتـب الاشـعـار=وبرسلها إلى اللي بيّتت لاهل الوفا النيه


هروجك هبـت وشبـت علـى صـدري مثـل الاعصـار=وقلت اعلمك ردي على شعرك وانا بنيه


اذا كـانـك قصدتيـنـا وقصـدتـي ديــرة الأخـيـار=خسيتي والله ويخسى قصيدك مع قوافيه


بلدنـا الغاليـة ماهيـب حـبـس وسـجـن لـلاحـرار=بلاد العز يوم العز نوّخ في السعوديـه


واذا كانـك علـى حجـاب الستـر ضربتـي الأوتــار=ترى تعتب عليك حروف شعرك مع معانيـه


أنا افخر في جمالي وافتخـر فـي حشمتـي فـي الـدار=حشى مانيب مثلك أكشف وصوفي علانيه


يابنـت احــذرك لـيـا يديـنـك تحـتـرق بالـنـار=وترى ذا موطني بالكون مابه موطن ٍزيه


بـلاد ٍ شمسهـا شعـت بنـور الديـن فـي الاقـطـار=تحكم الشرع ماهيب تحكم باحكام وضعيـه


بلدنـا وانتـي ابخـص أهلهـا اللـي يكرمـون الجـار=بلد نسل الشيوخ اللي لهم في العز ماريـه


و قصيـدي ترجـم احساسـي وجالـك ماعليـه غبـار=واذا ودك قلبت الرد لجل الـدار رديـه