لي صاحب ٍ قدره على العين والراس=بعينه رخص حبي واناكنـت غالـي


ياماعطيت من الغـلا دون مقيـاس=وجوالصفا دونه حشا مـا صفالـي


عاديتنـا نـاس وقدرتنـا نــاس=من شانه ومااطيـق غيـره قبالـي


بعد الغلا راح وهجر قلـب حسـاس=وصار العنا والهـم عقبـه اظلالـي


كتمت همي ما اشتكي زود الاتعـاس=وان ضاق صدري بس افكر لحالـي


ما احب اكلف بالعنا بعض الاجناس=تكفي جروح ٍ عكـرت صفـو بالـي


من يشتكي جرحه للاجناس يحتـاس=ولي عزة ٍ من فوق رووس العوالـي


ولي ياحبيب الروح مبدأ ولي سـاس=ولاهو بدرب الحـب سهـلٍ منالـي


طبعي حنون ولا اعرف الظلم والياس=ولاني من اللـي يعتريهـا التعالـي