قليل اللي بهالساحه هم اللـي لشعـر كفـو =ألا ياقـل مـن كانـت قضايـاه اجتماعيـه

أنا فعلاً بديت أخشى من اللـي بالشعرعثـو =مركز همـه الأكبـر علـى بنـت ٍ خياليـه

أصاب الشعر من كثرالكتابـة بالصدر..ربـو =أ شوفه منهدم بيتـه وفـي حـال اكتئابيـه

أشبه شعرنا الحاضر بشمعة في وسط قبـو =ضعيفه حيل محشورة وسط علبـه زجاجيـه

بعض شعارنا يفتـر راسـك كـل مااكتبـو =غموض ٍ يا صعب حلة تقل حسبه رياضيـه

وبعضهم حس في غيـره ويتألـم إذا شكـو =ولكن ينقصـه خبـره معـا قـدره قياديـة

وبعضهم هام بشعاره وهم فجـار و اكذبـو =شرى شعره وموروثه ضمن صفقه تجاريـه

وبعضهم ماخذ ٍ شعره وسيله هزل مع لهـو =يخوض أو يلعب أو يضحك خذا شعره رفاهيه

وأبا ختم كل ماقلته وأبااطلب منكـم العفـو =كتبت الشعر من قلبي وفي حالـه انفعاليـه