رجاء خافـي مـن الله وانظـري مـن جنبـك وحولـك=وروايتك العقيمة ماوراها أي اصلاحـي


روايتـك الخبيثـة ترجمـت فــي الـواقـع فعـولـك=ومثلك عثرة ٍ لوطوّلـت لابـد تنزاحـي


رجـاء يـا آنسـة خبتـي وخـاب الـيـوم مدلـولـك=ولا والله يوافق نظرتك ياواهمة صاحـي


بيكفينـا الله شــرورك يابـنـت وســم معسـولـك=خسرتي عقلك ودينك وكل دروب الارباحي


بنات اهل الرياض اشـرف مـن ظنونـك ومـن زولـك=وكلامك ياسراب الوهم لاعوّد ولاراحـي


وطيتـي النـار يابنـت الهـوى وابليـس برجـولـك=وبيجي لك يوم ماينفعك لاصاحي ولاطاحي


تبيـن الـصـدق لامـزمـارك المـأجـور وطبـولـك=تأثر في بنات ٍ كاملات عقول ورجاحـي


ترى بنت الريـاض أكبـر مـن اوهامـك ومـن قولـك=وكلامـك مايحـرك شعـرة ٍ يابـنـت وارتــــاحــــــي