ألا يالله يـارب البشـر ياصاحـب الاعـجـاز=تزيل هموم ٍ بقلبـي ودمـوع ٍ جرَّحـت خـدي


عقب رسالة ٍ جتنـي تثيـر انـواع الاشمئـزاز=تقول ان القصايد صعبه انْها تكـون مـن يـدي


حلفت انْ ماامشي دروب ٍ لها بعض البشر تجتاز=وانا والله ماحـرك شعـوري فكـر ٍ امصـدي


لاصرت امشي برجليني فانا مااحتـاج للعكـاز=وانا ماامشي على خد ٍ ماهيب اليوم من خـدي


أنا ماجيت ابي مْن الشعر جاه ولاأبـي الابـراز=أنا جيت انثر شْعوري وأبيِّـح للعـرب سـدي


أنا لغير الوطن والدين من قبلـه أبـد ماانحـاز=لأني شايله حمـل ٍ ورثتـه مـن زمـن جـدي


وراها الشاعرة دايم ضحية (حاقـد)و(همّـاز)=وليـه الشاعـرة ذا حالهـا يانـاس متـردي؟؟


ترى هذا قصيدي وادري انـه للبعـض ماجـاز=كسبت رهاني الماضي واقول اليوم "من قدي"!!